前序：今日按照安排系完梦之旅既结束日，我地之前订佐13：40从九寨飞往成都既机票，又订佐18：40成都飞往广州既机票，但世事难料，客观既事总系吾可以掌握同预料！
8点，我地起床，由于昨晚已经基本执好野，我地好快就出门口翻去琴晚食面既地方食早餐(费用约25蚊)。今日无落雪，阳光明媚，我地都讲，“甘好既天气，今日飞机肯定可以准时到达成都”。但路面、屋面仍然有积雪，厚度无变，只系地面既积雪被人铲开一条路。我地继续影相。
9点15分，我地起程离开九寨沟，当时既心情好平静，无太多既恋恋不舍，无对哩个景点有多少既遗憾，心情就好似睇星果晚甘平静。准确黎讲，整个行程都系如此放松，如此平静；整个行程吾需要去牵挂什么，顾虑什么，实在太舒服啦！
系去机场既行程上面，我地安排佐途中系一间藏族寺庙“达吉寺”同“九寨天堂洲际酒店”
“达吉寺”系我地入九寨沟路上时候司机同我地介绍过既，今次难得哩一趟，我地当然要感受一下藏族信仰文化啦！车开佐吾系好耐就到佐“达吉寺”，从“达吉寺”可以领略藏传佛教中古朴神秘的本波教（亦称黑教）既文化。◎我地黎到大门，同一路上既景象一样――冷清。寺周围无喇嘛，连人都无。我地从一扇虚掩既门入去，里面仍然系空无一人，好似有D恐怖！我地入佐大殿觉得里面比较简陋，系经轮影佐几张相就离开大殿。大殿旁边有个小殿，哩个下殿吾知叫咩名，只记得门口两边都有两个骷髅头！！太恐怖啦！我地因为吾熟悉人地习俗，又因为寺内太静，所以好快就准备离开。离开前环顾一下四周，发现面向寺既左边好遥远既地方有座好靓好高既雪山，而家翻黎再查资料原来就系藏传佛教的“贡噶神山”◎(幸好翀翀影佐相)，最后我许佐愿就离开佐达吉寺。
系路上见到有人骑马，有驴友徒步，系哩个甘靓甘宁静既地方慢慢骑马同徒步真系实在太惬意啦！可惜，我地正系赶飞机途中！小车去到一个比较陡既积雪路段就停佐，车轮一阵打滑，一阵刹车，最后我地落车，司机加车轮铁链。(要系哩度交代一下，今日到现时为止天气都好好，阳光好灿烂，阳光照落雪面上反射出黎既光好刺眼！)我地落车行上路滑既斜坡。◎ 小车继续前行，一路上，翀翀吾知系又犯高原反应定系阳光太刺眼，觉得眼皮好重，好眼训。我都因为阳光太刺眼总系想闭目养神。过佐“九道拐”所谓九道拐，就是自山顶而下连着九个180度大转弯，这九个拐也是九寨沟旅程中最危险的一段，据说这里经常翻车，以至于每一拐前方都有着极其醒目的特大路标：第一拐、第二拐、第三拐。。。足见其危险性。
吾记得大概过佐几耐，我地经过“神仙池”又一著名景点，可惜由于淡季已经关闭。我地盘山而上终于黎到久负盛名既“九寨天堂洲际酒店”。酒店位于群山之中，雪山山峰抬头就见到。但最刺激眼球就系门口停住既两台“悍马”，一黄一黑。我对于车就吾系太熟悉，但觉得实在有型，翀翀因为之前系杂志见过，所以对哩两台车有好大兴趣，特别系黄色果台，系阳光既照射下特别有型，我霖如果黑色果台都有阳光晒住，可能更加有型。翻到黎问起人先知道原来悍马一台起码上百万，而且哩两台车既车牌仲要分别系“川U00001”、“川U00002”，实在太厉害啦！
入佐酒店，发现原来酒店系以一个玻璃穹顶下的生态大堂与自然景色融为一体，别具一格。大堂建筑均为原生态藏羌风格，不论官寨酒楼、碉楼，还是一间小小的酒吧，外墙或采用当地片石装饰，或就用石块砌成。就好似置身于藏羌既鼓楼建筑。独特的装修风格让人亲身感受藏羌风情。◎◎
饭店内共有豪华客房1020间，每间客房都有木质阳台并能观赏山景。我地求其上佐一栋搂，房间走廊一边系大玻璃窗，可以睇到山景，真系好舒服！望落去仲见到拱形玻璃下可以浸温泉，甘正既地方，下次黎九寨沟真系要享受一下！呵呵～～不过网上订都要700蚊一晚啊！贵！！！！无得住都影下相啦！◎◎
由于时间关系，我地就离开酒店。车沿山落山到公路，我地又落车影雪山，虽然吾知雪山既名但比雪山既伟大而迷倒，继续影相。◎◎
跟住出现以下表情◎◎ 痛苦！！原来又咬亲个嘴既久患，真系……痛啊！
其实我地停车影相既地方对开都系一个景点“甘海子”，听司机讲秋天既时候哩都金黄色一片，好靓噶！我霖下次当我秋天黎既时候再睇啦！我地要继续踏上往机场既路途啦！路上我继续半开半合眼睇山景同养神，而翀翀就一直处于昏昏沉沉的睡眠状态。
12点15分，我地就黎到机场，12点45分(大家记住哩个时间)，我地就进入候机厅准备飞去成都！但……恶梦开始……
首先介绍下哩个可恨既“九寨黄龙机场” 九寨黄龙机场为国内支线旅游机场，场址位于松潘县川主寺镇东北约12公里，海拔3300－3500米的红星场址；机场建设规模按满足2010年旅客呑吐量60万人次进行设计，飞行区标高3440米，跑道长度为3200米，宽60米，联络滑行道宽23米，站坪按停放4架飞机（3C和1D）设计，航站楼按4000平方米设计，与飞行区通过专用道连接。工程总投资10亿元。按照国家计委批复意见，红星场址从飞行安全、投资、使用功能和生态环境角度综合评估分析是该地区唯一经济可行的场址。
“九寨黄龙机场”简称“九黄机场”，系一个出名发现误点既机场，十次飞机，九次都黄(黄既意思北方方言多指吾好既地方，哩度系指误点)。黎九寨既时候好难得可以准点到达，但走既时候就…… 今日总共有四趟飞机都系12点到15点之间飞往成都。(因为淡季，每日基本都只有中午或者下午既飞机入九寨，每日维持系3～4个航班。但旺季就厉害咯，从早到晚，以前未地震既时候，我霖每日有数以十个航班往来九寨。)
四趟飞往成都既航班时间，我而家仲记忆忧新，分别系13：15，13：40、13：40、14：15。我地坐果趟就系13：40中国国际航空公司既CA4484既航班！
我地进入佐候机厅，一直等到14：30，前面13：15果趟机先可以登机离开。我地心霖下一趟应该到我地啦挂？！由于我地下一趟成都飞广州既机票系18：40系成都起飞(翀翀已经专登预宽松时间订果18点40分果趟)，所以我地都暂时比较淡定甘继续等路去。但由于又开始高原反应，所以头开始痛，眉心开始渊痛，眼皮好重，好想训觉。唉……无奈继续等。
大概四点左右，突然听到一个好可喜既消息，成都果边有航班登机，起飞过黎啦！(因为哩度根本无飞机可以起飞，所以而家只好等成都有机过黎，我地先可以走)果边可以起飞即系有希望啦！我地满怀希望继续等，坐系度等，挨系度等，训系度等，不时登机柜台围满佐人……整个候机厅有三个航班既乘客大概三四百人，大家以各种姿态去等待。广播间隔一轮就宣布我地三个航班延误既通知。大概1个钟之后，有一个失望既消息传开，“由于飞机吾可以降落，飞机又折返翻成都！”救命！！晴天霹雳！！！希望落空！我地可以点呢？！只可以继续等。我地好无奈，亦无语，只好互相安慰，“还好，我地系地面等，距地飞来飞去，又吾可以降落，仲惨啦！”。另一个烦恼出现啦！就算而家即刻有机可以走，翻到成都都吾可以登机翻广州，我地点办呢？听日就返工啦！甘米要…… 但系我地出佐等都无乜办法，最多就系去登机柜台开张航班延误既证明，争取可以去坐8点45成都翻广州既飞机啦！等……继续等…… 翀翀又无奈又眼训，最后训佐◎。而我因为1，吾放心我地一齐都训着既安全，2，精神上好似累到训吾着甘，所以只好呆坐闭目养神。天色开始黑，好在系机场里面还算温暖，想象一下外面零下既温度真系不由得打个颤！由我地进入候机厅到而家大概过佐四五个钟，期间我同翀翀除佐一开始仲倾佐一阵计之外，其余时间都系无奈甘望住外面，望住着急既人群，望住无奈既对方，除佐无语，仍然都系无语。翀翀讲距试过一次误机，等佐两个钟左右，今次……破佐记录啦！而我就系第一次误机，而且仲要等甘耐。
时间继续慢慢过，而家吾系好记得点样度过，就系记得等到想癫既时候就打电话，发短信比人诉苦。系哩度真系要多谢复过我短信，替我解过闷既朋友。特别系诗啦！一路上都关心我既行程同健康！等……仍然系关键词！
系三个航班里面，有一班广州既旅游团(后来知道距地系同我地同一个航班既)。虽然大家吾识，但始终系他乡遇到自己人，都有一丝丝既安全感同安慰。其实时间越耐，有飞机既机会越少，大家开始到佐忍受既极限，登机柜台既两个地勤工作人员被几重人群围住。我地发现系登机柜台既人群基本都系北方人，广州既同胞们总系坐系度斯斯然甘等，或者系因为距地有导游处理挂！系哩度可以好清晰甘睇到北方人的确比南方人火爆！但点都要多谢距地既火爆既，起码我地终于有晚餐――饭盒一个！不过好歹都比南航果个航班既旅客好，距地要食“康师傅”。无奈都要食饭，我地已经吾抱希望，而家霖既，就只系剩落黎既时间我地点办。
不经不觉到佐八点，广播仍然系传出航班延误既通知，仍然系吾取消，甘样我地仲要等到几时呢？！仍然无奈，仍然无语……此时此刻既心情已经吾可以用语言黎形容。突然传来令人沸腾既消息！有两趟飞机系成都起飞啦！虽然我地已经赶吾到翻广州既飞机，但去到成都总比系度呆等好啊！我地带住一丝丝既希望继续等！45分钟又过去，失落又降临于九寨机场。飞机又因为不能到达降落条件要折返啦！卖葛！！！一次次既希望，一次次既失望！我地何去何从，我地究竟几时离开哩个“鬼地方”！哩个时候，对九寨沟既依恋已经转化为对成都、对广州既向往！天啊！点解吾比我地走啊？不过仍然庆幸住，我地好歹都系地面，如果我地系飞机上面，仲激气，仲无奈！
九点几啦！机场方面讲吾比人留宿系候机厅，而外面既路况可想而知(天气甘冻，路面结冰机会好大，结冰后路会好滑)。我地点办呢？！还好，我地仲有一大群北方既同胞们替我地出头。因为大家都心急如焚，更多人围着几个地勤人员要求安排住宿，有D人高声叫骂，有D人拍台，有D人系旁边影相、拍DV去记录此情景，有D…… 吾知大家是否想象到甘既情景呢？而我地两个人只好仍然系等，讲又吾够人大声，狠又吾够人狠，我地可以做咩呢？我地只好轮流去听下地勤人员既解释同事情进展，有时就去广州旅游团既导游打听下消息。我霖如果系我一个人去面对哩个情况，哩个漫长既等待的话，我可能会发癫！不过发癫都无用！唉……庆幸有翀翀系身边，我地两个互相安慰、互相照顾，如果得一个人一定好惨！
太多既无奈已经吾想再讲，10点30分，我地被安排到松潘住宿，听闻果度有热水，有暖气，听日八点果边就会有飞机起飞过来。我地亦无其它办法，只好听从处置。10点45分，我地终于离开候机厅(仲要系我地自己问后勤人员，距地先话CA4484已经上晒车啦！搞到我地好迟先走)12点45分到22点45分，十个小时！而家霖起都吾知点样艰难地度过既，简直有种不愿回忆既感觉。
因为我地迟，我地果个航班既人全部上晒车，停系度既车已经全部无位，不过外面实在太冻，又系寒风凛冽，片面而黎既夜晚，我地放佐行李上车就吾理三七二十一甘上佐车，霖住企去就算(因为听讲半个钟就可以到)，幸好有个导游位，我地两个迫下啦，好过系下面同寒风斗争等下一部车。
11点开车，路况还算吾错，我地坐系导游位又见到前两晚既星空，群星仍然璀璨，但我地心情都吾可以好似之前甘平静欣赏，我地互相对望一下，心里面虽然被十个钟既无奈摧残，但哩个时候大家可以有个安身之所，有个可以互相帮助既朋友系身边，心情都乐观佐。不过……顺利暂时未降临我地身上，又一高潮即将上画！！
11点45分，到地到佐宾馆，未落车之前我地已经做到计划，发挥我地分工合作既精神，我去拿行理，翀翀去宾馆柜台拿房间。因为我地部车最早到，之后大概有百几两百人会陆续过黎(因为系航空公司安排，中国国际航空公司计埋我地有两个航班等飞成都)，如果人到齐，肯定会好拥挤。
等我拿完行李入到宾馆大堂既时候，除佐翀翀已经有五六个人系柜台前面等。我放低企埋一边，几分钟之后大堂已经开始好多人，一百平方既大堂开始企满人，柜台前面水泄不通！人声嘈杂！乱作一团！我心里面开始担心，吾系担心无房间，而系担心被人群围住既翀翀，一个女仔系里面，甘多人迫住想出都出吾到黎啦！？如果D人又鼓噪既话，有咩推推碰碰撞到翀翀点办呢？我想打电话叫距咩都吾好理快D出翻黎先，但又霖，如果而家打比距，距又要接电话，旁边又甘多人，到时撞跌电话甘点办呢？真系后悔叫距一个人去拿房间。不过而家无办法啦！只能以不变应万变啦！希望无事啦！
正系哩个时候，一个男人高声叫骂之后手居一本野，冲出围系柜台既人群，跟住又有人好似想抢翻本薄。当时情景真系好混乱！而外面既人有D就观望，有D又继续影相、拍DV，后来问翻翀翀先知，原来大家都好心急拿房间，但宾馆老板却要求每人拿出身份证登记，果个男既就系抢去老板既登记本，要求先打开所有房间，等大家入佐去，再登记。场面开始不受控制，航班既工作人员亦吾多，整个大堂处于完全混乱既状态！(好可惜我当时只系担心翀翀既安危，所以吾记得影相，如果吾系大家可能更容易理解当时既情形)。宾馆老板见势不妙终于接受佐大家既意见，顿时又系一片混乱，企系柜台周围既人突然向房间，向楼梯散去。我伸长颈终于见到翀翀，还好，翀翀仍然完好无缺！我知道大家开始散开去稳房间，翀翀亦好有默契，我地决定距去即刻去稳房间，我系度睇住行李等距消息。过佐一阵就收到翀翀电话，到而家我仲记得大概房号：418或者408！我后面背住翀翀个登山包，前面背住自己个书包，拿住自己个拉杆箱行上4搂，虽然D野吾重，但最烦就系因为高原，行到二楼开始喘气，上四楼已经喘气到讲吾出野。不过当我见到翀翀既时候，真系有种“井冈山会师”既感觉(哈哈，带有夸张既成分)！我地终于可以安定落黎啦！真系要庆祝下！不过无野可以比我地庆祝！我地早D训就算系庆祝啦！当我地训落床既时候已经一点几，听日仲要7点大堂集合，唉……全天候受折磨，折磨程度达到10粒星啊！不幸既系我整晚都训得吾好，可能太冻挂，无暖气之余，又因为……哈哈，我地之间既秘密！希望第二日一切顺利啦！