一、费用：
第一日重庆费用：15*2+15+99+5+2+2*2+10+9+7+5*4+10+2+30+30+50＝323元
第二日重庆、入九寨费用：10+2*2+8*2+10+55+28+200+80+20+10+50+15＝498元
第三日九寨沟费用：80（住宿）+5+340+6+8*2＝447元
第四日九寨沟费用：80+6+20+6+30＝142元
第五日九寨沟到机场、滞留机场费用：25+200＝225元
第六日成都费用：40元+40元(零食)＝80元 (不完全统计)
六日两人行程费用：1715/2＝857.5元/人
机票：
广州——重庆410
重庆——九寨310
九寨——成都790
成都——广州590
小计：2100元/人(已含机场建设税、燃油附加费用)
由于以上费用为不完全统计，所以我地觉得今次六日旅程所需费用约：3100～3300元/人。
二、路线、行程
重庆行程：解放碑→长江索道→湖广会馆→重庆轻轨→洪崖洞→南滨路
重庆+九寨沟外行程：长江索道→重庆机场→飞机→白水河→沟口→边边沟→喜来登酒店
九寨沟沟内行程第一日：箭竹海－箭竹海瀑布－熊猫海－五花海－珍珠滩－珍珠滩瀑布－长海－五彩池
九寨沟沟内行程第二日：诺日朗瀑布－镜海－犀牛海－树正瀑布－树正寨－树正群海－盆景滩－芦苇海－色嫫女神像
九寨沟外：达吉寺--九寨天堂洲际大酒店--机场
成都行程：九寨黄龙机场--琴台路--宽窄巷子--武候祠、锦里--蹄花--广州
以上路线、行程系参考下面网址：
1、携程网：http://www.ctrip.com/ 强烈推荐！里面可以查到各个地方著名景点。其中“有问必答”专栏非常好，可以系网上提出问题，有专人解答。亦有好多游记可以参考。
2、百度网，百度知道
3、九寨沟旅游景区官方网：http://www.jiuzhai.com/ 里面有九寨沟内的天气预报、景区内各个景点介绍同图片。
4、磨房网：http://www.doyouhike.net/ 可以提供游记，相片等。
小结：多睇游记，多上携程问人，去之前可以的话大概睇下地图，打印齐之前既资料再出发(今次我无做到哩步，好在翀翀之前抄好“猫纸”，如果吾系就比较狼狈。最夸张就系我地无将各班飞机既时间打印出黎，就系靠记忆同手机收到既短信！强啊！下次要吸取教训)
三、订机票
今次订机票系翀翀负责。
主要系通过携程网、艺龙网http://www.elong.com/
中国南方航空公司官方网：http://www.csair.com/cn/index.asp 不过大家要注意付款方式。有D系用支付宝，有D系要用网上银行。
仲有一个须注意既问题：订来回机票最好系同一航空公司，甘样方便改签、转签等等手续。
四：住宿
重庆：本来住“重庆背包客栈”后来改佐“7天连锁酒店”。好在改佐，因为从路段黎讲“7天连锁酒店”好好多！所以吾好轻易相信网上既介绍，好多时网上介绍得好好，但去到环境可能好一般，或者未如理想。而且“7天连锁酒店”都吾错，会员首次入住多数城市都系99蚊经济房(一张大床)。所以如果大家真系霖吾到住边的话，可以考虑下住“7天连锁酒店”，但要注意各间分店地址。
九寨沟：因为我地去既时候系淡季『淡季的定义:11月16日到3月31日(门票80元/人, 观光车票 80元/人)旺季的定义:4月1日到11月15日(门票220元/人观光车90元/人)』。本来以沟口为圆心几公里为半径全部都系酒店、旅舍、旅店之类，但因为淡季95％都系关门既，得知哩个消息之后，我就订佐“九寨青年旅舍”，去到之后觉得麻麻地，但因为已经无得选择所以就住落，旅舍隔离就系“草根人家”，亦系相类似的旅舍，都系淡季既热门住宿之一。大家如果真系去的话最好都系提早订，但要事前了解清楚，最好吾好汇款预订，等自己有得走盏。
五：食
重庆：好多好多食肆，多数都系火锅，小食亦吾少，价格同广州差吾多。但因为我地都吾食得辣，所以无乜尝试当地特色美食，睇下几时练到食辣野，再去大食一餐啦！
九寨沟：都系同样问题，就系淡季。方圆几里既食店95％都系关门，只有几间开，而且都系四川口味，所以我地选择食面，几乎餐餐食面，真搞笑！不过价钱就真系吾平，每样野吾比广州靓，但价钱同广州差吾多，可能系旅游区既缘故吧！
成都：当然多野食啦！不过都系口味上吾系好岩，而且时间仓促，所以试得吾多。不过蹄花留比我既印象好深刻，真系要多谢翀翀带我食D甘有成都特色既野！下次再去成都都要去食多次！至于价钱感觉好似比广州稍微平D！
六：当地交通
重庆：最大感触就系公交车。其一，车费吾明确，系车站同车外面根本睇吾到一趟要几钱；其二，车站的车牌同停既车吾匹配，车牌有既车吾停，无既反而停。其三，车容比广州差，可能系落雨，基本每台车外面都好污糟。所以我地一趟公交都无坐过！基本都系行路或者打的，而且系行路居多(翀翀话吾写翻游记都吾醒起原来我地行佐甘多路，呵呵！)。第二大感触就系打的比较难，容易遭到拒载。去之前做功课既时候就知道重庆的士服务态度吾多好，虽然我地遇到既司机还算吾错，但希望可以更好！打的起表5蚊，表吾算跳得好快，而且重庆D路都系上山落山，建议大家去的话都系打的，吾系就行到脚断。
九寨沟：由于九寨机场离九寨沟旅游区有几十公里，所以落机之后要坐车先可以去到，又因为同样一个问题――淡季，无机场巴士穿梭于机场到九寨沟，所以只能自己包车。本来我联系过当地的士霖住租车大概200蚊，后来又联系佐旅舍要距接机又系200蚊，而且旅舍果度又比较积极，所以就坐佐旅舍过来接机既小车。不过觉得比较贵，如果有多一两个人可以摊分就好好多！如果大家去的话，最好提早稳人拼车。九寨沟景区同旅舍之间都比较多的士，都系5蚊起表，但感觉跳得比较快！九寨沟景区内的环保车基本都要买，如果旺季的话可能比较难逃票，如果第二日吾买环保车票建议系九寨沟内住寨子，养精蓄锐准备远征。
成都：由于时间紧迫，基本都系打的，亦系5蚊起表，跳得比较快！最感概就系打的难！可能系我地当时所处既落班高峰时间同地段挂，简直就系“打的难，难于上青天！”
下面再讲下，我对自由行同跟团哩两种方式既睇法！
我之前都去过吾少地方，省内既著名景点基本都去过，北京、天津去过，昆明、大理、丽江去过，张家界、凤凰去过，但系自由行就系第一次。系去之前我对如何办理登机手续，去到机场要点做，我根本就无概念。不过好奇怪，我一D都吾觉得彷徨，可能系因为觉得“船到桥头自然直”，吾识可以问人，但最大原因系因为今次既旅程有个好同伴――翀翀。出发之前其实有种依赖既感觉，或者讲系信赖挂！因为翀翀去过好多地方，而且几乎都系自己去，真系好佩服距！所以对距、对今次既行程好大信心！
其实自由行比跟团有好多好处，除佐众所周知既自由之外，我觉得仲有一样野系好难得既就系：自由行会对整个行程留低好深刻既印象。原因有三：一、因为去之前会大量收集资料，做足预习功课；二、因为人去到陌生既地方又无导游依赖，会系行程里面集中精神，用心去留意周围既事物；三、去每个地方都系自己感兴趣既地方，印象会更加深刻。我之前去旅游都系跟团，跟团旅游之前，吾会放太多心思去做出发前既准备，而且因为有导游同司机，所以一路上好少去留意路线，多数就系知道到佐景点就落车，未到就训下觉甘既心态。加上，跟团行程比较赶，你未黎得切对哩个地方深入少少了解就要离开，虽然去既地方好多，但真真正正要你讲出哩个地方既特点、感受，就好难讲得出。好多人讲，我今次既游记写得好详细，其实系整个旅程里面，我觉得自己真系好用心去享受，好用心去记住每一件事物，所以我可以写得甘详细。如果我今次系跟团，我霖即使我用心极都写吾出哩个效果！
自由行系一个比较花精力既方式，好多人因为事前要做好多准备工作而觉得烦，但我觉得就系因为要做事前既准备，所以先显得自由行既特质同乐趣所在。
好多人觉得自由行会比跟团贵好多，其实我觉得未必。因为通常一个旅程，花费最大既就系交通同住宿。交通方面，可以通过早订机票，拼车，选择火车或者其他交通工具而缩减费用；住宿方面更简单，如果你可以屈就的话，住差D就平D，最平既可以租床位几十蚊一晚都可以，或者住客栈之类。其实钱系你手，点用都系你决定。好似我地今次六日，去埋重庆同成都，如果跟团都应该吾止哩个价钱，所以嘛，自由行未必比跟团贵！
不过从一个现实同理性既角度黎讲，自由行都存在一定既安全问题。点讲都系去到一个陌生既地方，所以去之前要了解清楚当地既情况，路上要多注意，多留心。最好就系两个人去，无论男同女，女同女都好，而且更好既就系其中一个有比较好既方向感。方向感好紧要，因为要睇地图，要认路、要认建筑物等等。不过哩D都吾系最重要既，只要醒目D，稳D善良既群众问路，都一样可以解决问题！